Búgingi sıfrly dáýirde aqparat almasý jyldamdyǵy men aqparat qaýipsizdigi asa mańyzdy. Sheteldik messendjerlerge táýeldi bolmaı, otandyq platformalardyń órisin keńeıtý ýaqyt talabynan týǵan suranys. Osy oraıda qazaqstandyq IT naryǵynyń aıtýly jetistigine aınalǵan otandyq ónim Aitu platformasyn qoldanýshylar legi artyp keledi. Kúni keshe SuperApp Aitu men «Ksell» AQ strategııalyq seriktestigin jarııalady, dep jazady Egemen.kz.
Qos tarap el turǵyndarynyń yńǵaıly ári keshendi qyzmetterge degen suranysyn qanaǵattandyratyn sıfrlyq ónimderdi birlese ázirleýge nıetti. Búginde telekom operatorlary tek baılanys jetkizýmen shektelmeı, qyzmet kórsetý shekarasyn keńeıtip keledi. Búkil álemde óris alǵan bul úderis jańa standarttar qalyptastyrýda. Kcell men Aitu arasyndaǵy seriktestik osy baǵyttaǵy alǵashqy qadamdardyń biri.
«Mundaı ulttyq jobalar elimizdiń sıfrlyq táýelsizdigimen tikeleı baılanysty. Olar tehnologııalardyń damýyna úles qosady. Sondyqtan, biz árbir qazaqstandyqtyń qoldaýyna qýanyshty bolar edik. Qazaqstanda paıda bolyp, ary qaraı damyp bara jatqan operator «Kcell» AQ-men seriktestik otandyq telekommýnıkasııa ónimderin jáne telekommýnıkasııa naryǵyn damytýǵa taǵy bir qadam dep aıtýymyzǵa bolady», - deıdi «BTS Digital» JShS bas dırektory Nurtaı Abılgalıev.
Aitu-dyń dástúrli messendjerlerden basty aıyrmashylyǵy – bul jaı ǵana baılanysqa arnalǵan qosymsha emes, otandastarymyz úshin elimizde jasalǵan tolyqqandy ulttyq SuperApp qoldanbasy. Munda kúndelikti mańyzdy fýnksııalar bir alańda jınaqtalǵan. Ol arqyly siz dostaryńyzǵa hat jazý, qońyraý shalý, aqsha aýdarý, kıno bıletin satyp alý, mýzyka tyńdaý, sońǵy jańalyqtarmen tanysý, qyzyqty arnalarǵa jazylý, qajet aqparatyńyzdy tabý, mátin aýdarý, josparly ister tizimin jasaý sekildi birneshe qyzmetti paıdalana alasyz. Asa qajet júıelerdi biriktirgen alańda derekterdi qorǵaýǵa erekshe nazar aýdarylǵan.
«Qazaqstandyq baılanys operatorynyń tájirıbesi men ulttyq sıfrlyq platformany biriktire otyryp, kompanııalar ózderiniń qoldanystaǵy ekojúıeleriniń qısyndy jalǵasy bolatyn jańa jergilikti ónim qurý múmkindigin ashty. Uıaly baılanys operatorynyń abonentteri úshin bul baılanys pen sıfrlyq qyzmetterdi odan da yńǵaıly paıdalanýdy, al Aitu paıdalanýshylary úshin uıaly baılanys múmkindikterimen biriktirilgen qoljetimdi sheshimder aýqymyn keńeıtýdiń artyqshylyǵy mol», - deıdi «Ksell» AQ Bas atqarýshy dırektory jáne Basqarma Tóraǵasy Asqar Jambakın.
Kompanııalar arasyndaǵy seriktestik memlekettiń sıfrlyq ekonomıkasyn damytýdaǵy mańyzdy qadam bolmaq. Munda zamanaýı qyzmetter tek tehnologııalyq turǵydan jetildirýmen shektelmeı, azamattardyń qajettilikterine barynsha beıimdeledi.
Búginde halyqtyń basym kópshiligi WhatsApp, Telegram, Messenger sekildi sheteldik platformalardy tutynady. Alaıda bul servısterdiń barlyǵy sheteldik serverlerde ornalasqandyqtan, jeke jáne memlekettik deńgeıdegi málimetterdiń syrt elderge ketý qaýpi joǵary. Osy rette Otandyq messendjerlerdi damytýdyń artyqshylyǵy mol.
ALMATY